Freyja Haraldsdóttir

,,...hvað varst þú marga daga að losna við þín?"

Mín yndislega fimm ára frænka hringdi í mig frá Danmörku í dag og sagði mér frá hinu og þessu sem drifið hefur á daga hennar frá því fjölskyldan fór aftur út eftir íslandsdvöl yfir jólin. Helstu fréttir voru að hún væri nú búin að læra að hjóla án hjálpardekkja og væri ,,ógeðslega flink" núna. Eftirfarandi samtal átti sér svo stað:

Frænka: Á næsta stelpudegi þegar ég kem til Íslands (frænku-thing), eigum við þá að fara í hjólatúr? Þú verður bara á hjólastólnum og ég á hjólinu.

Ég: já, við getum gert það.

Frænka: Ég var bara í þrjá daga að losna við hjálpardekkin - hvað varst þú marga daga að losna við þín?

Ég (sprakk úr hlátri): Ég?

Frænka (flissandi): Nei æ já.. þú ert aldrei búin að æfa þig að hjóla!

Það er algjörlega frábært hvernig hún getur verið nýbúin að sleppa orðum um skerðinguna eða gefa til kynna að hún sé meðvituð um hana, þegar hún er búin að steingleyma henni aftur.

Þessi færsla hér er annað dæmi um það.

Flokkur: Bloggar | Laugardagur, 7. febrúar 2009 | Facebook

Athugasemdir

Alveg einstaklega frábær húmor. Takk hér var hlegið..

Hallgerður Pétursdóttir (IP-tala skráð) 7.2.2009 kl. 21:01

Oh, hún er yndi : )

Huld Hafsteinsdóttir (IP-tala skráð) 7.2.2009 kl. 21:51

Hún er náttúrulega bara yndisleg og í topp klassa þessi litla prinsessa :)

Elín Harpa (IP-tala skráð) 7.2.2009 kl. 23:10

Kæra Freyja.

Þú þekkir mig ekki en ég las nýlega bókina þína "Postulín". Mig langar til að óska þér til hamingju með bókina (þó seint sé, ég veit hún kom út jólin 2007). Bókin þín er þörf áminning okkur sem ekki stríða við neina fötlun að vera þakklát fyrir það sem við höfum og ekki endalaust taka sem gefið að lífið sé "eðlilegt" hjá okkur.

Takk, takk fyrir góða bók og gangi þér allt í haginn í framtíðinni.

Sigríður Kristjánsdóttir (IP-tala skráð) 8.2.2009 kl. 19:57